Gschütt hods wos obaganga is beim Strassenfest in Haar am 5. Juli 2009. Am Anfang von unsere Auftritte hod ja no de Sonn gscheint. Dann is oiwei dusterer worn und auf oamoi is der Segen von oben daherkemma. Unsere Deandl und Buam ham se aber davo ned drausbringa lossn und ham weida tantz und plattelt. Und wia schneidig. D Leut san untergstandn wos no grod ganga is. So schnell wia des Weda kemma is wars dann a wieder vorbei.
Danoch warn ma no beim Gerstner Mane im Gartn auf a gmiatliche Hoiwe. D Baylacher Veronika hod uns dann auf Ihram Cello wos vortragn.
Den Auftritt vom Bob Ross mit seim Blechschaden ham mia uns natürlich ned entgeh lossn. Und a Gemeinschaftsbuidl hot anschliessend a no rausgschaugt. Aber an Kilt hod nur da Stephen oghabt.
